अवैध राइड शेयरिङका लागि इन ड्राइभ एप सिकाउँदै गरेकि महिला भन्छिन्–“गल्ती गरें अव गर्दिन् !”

सराङकोट न्यूज
21 September, 2022 9:19 am

पोखरा

पोखरामा अवैध राइड शेयरिङ धन्दा विस्तार गर्न इन ड्राइभ नामको एप्स प्रयोग गर्ने क्रम बढेको छ । निजि नम्वरका स्कुटर, बाइक, कारलाई भाडामा लगाउादै पैसा कमाउने गैह्र कानूनी धन्दा गर्ने क्रममा एप्स प्रयोग गर्न सिकाउने एक महिलालाई ट्याक्सी चालकहरुले नियन्त्रणमा लिएर प्रहरीलाई जिम्मा लगाएका थिए । पक्राउ परेकी स्याङ्जा पुतलीबजार घर बताउने गिता शाहले पोखराको चोक चोकमा पुगेर स्कुटर, मोटरसाइकल चालकहरुलाई एप्स चलाउने सिकाउँदै आएको बताइएको छ ।
हामीसँग उनले आफूले १५–२० दिन सिकाएको स्वीकार गरिन् । यो काम गलत रहेछ अव गर्दिन उनले भनिन् । यता उजुरी गरेको भन्दै इन ड्राइभ एप चलाउनेहरुले ट्याक्सी चालकहरुले जे पनि गर्न सक्ने भन्दै धम्की दिएको म्यासेजहरु सार्वजनिक भएपछि ट्याक्सी चालकहरुले असुरक्षा महसुस गरेका छन् । अवैध धन्दा गर्नेहरुले जे पनि गर्छन् एक ट्याक्सी चालकले भने । प्रहरीले वेलैमा नियन्त्रण र नियमन नगर्ने हो भने पोखरामा यो समस्याले जरो गाड्न सक्ने दावी गरिएको छ । पक्राउ परेकी महिलालाई वगर प्रहरीले एक दिन राखेर छोडेको छ ।

Advertisements
Advertisements
Advertisements
प्रतिक्रिया दिनुहोस्: