Prabhu Bank Ad

सरकारी विद्यालयको भ्रष्टाचार डरलाग्दो

सराङकोट न्यूज
14 March, 2019 5:57 am

राज्यको सर्वाधिक लगानी रहेको सामुदायिक विद्यालय भ्रष्टाचारको अखडा वन्न पुगेको पाइएको छ। सरकारी ढुकुटीवाट विभिन्न योजनाका लागि आएको वजेटमा सामुदायिक विदालयका विद्यालय व्यवस्थापन समिति र विद्यालय प्रशासनको मिलेमतोमा विल भरपाई मिलाएर भ्रष्टाचार हुने गरेको घटना सार्वजनिक भएको छ।
पोखरा–१४ मा रहेको शुक्रराज वलभद्र मा.वि. छिनेडाँडा मा भ्रष्टाचारको विषयमा कुरा उठेपछि वर्तमान प्र.अ. र भूतपूर्व प्र.अ. वीच विवाद उग्र हुन पुग्यो । विवाद हात हालाहाल सम्मको स्थिति आउनुले त्यहाँको अनियमिततालाई छरपस्ट पारेको छ ।
अर्को सामुदायिक विद्यालय श्रीकृष्ण मा.वि. मासवारमा करिव ४५ लाख रुपैयाँको हिसाव किताव गोलमाल पारिएको छ। पुस्तकालयको लागि महानगर र जिल्ला शिक्षा समन्वय इकाइवाट गएको पैसा गायव छ तर एउटा पनि पुस्तक किनिएको छैन । भौतिक संरचना निर्माण कहाँ के कति गरिएको हो भन्ने वारेमा कुनै आधिकारिक विवरण पाइएको छैन ।
विद्यालयका व्यवस्थापन समितिका पूर्व अध्यक्ष तेजनारायण अधिकारी र पूर्व प्र.अ. केदारनाथ अधिकारीको कार्यकालमा भए गरिएको सवै काम कारवाहीको लेखा परिक्षण नियम सँगत नदेखिएको भन्दै वर्तमान प्र.अ. टिकाराम लामिछाने । विव्यस अध्यक्ष पुरुषोत्तम रेग्मीले कानून वमोजिम वरवुझारथ लिएका छैनन् । प्र.अ. टिकाराम लामिछानेले अघिल्लो कार्यकालको हर हिसाव लेखा दुरुस्त भएपछि मात्र वर वुझारथ लिने अडान लिएपछि श्रीकृष्ण मा.वि. को भ्रष्टाचार प्रकरण वाहिर आएको थियो ।
दुई दशक भन्दा लामो समय प्र.अ. वनेका केदार नाथ अधिकारी र दुई वर्ष ३ महिना वि.व्य.सं. अध्यष वनेका तेजनारायण अधिकारीको कार्यकालमा सरकारी वजेटको हिनामिना वढी भएको भन्दै स्थानियले विरोध गरेपछि महानगरपालिकालिे छानविनका लागि प्राविधिक खटाएको छ । महानगरपालिकाले भौतिक नापजाँच मात्र गरेर दोषीलाई चोख्याउन नहुने भन्दै सर्वत्र खवरदारी गरिएको छ ।
छानविनका लागि खटाइएका महानगरका प्राविधिकहरुले भद्रगोल देखिएको वताएका छन् । सरकारी खर्च गर्न योजना, वजेट र लगत इस्टिमेट अनिवार्य सर्त हो तर त्यहाँ त्यस्तो केहि पाइएको छैन । विद्यालय व्यवस्थापन समितिको निर्णय समेत नगराई मनोमानी गरिएको कामलाई वैधता दिन नमिल्ने छानविनमा खटिएका प्राविधिकले वताए । विस्तृत छानविन जरुरी रहेको जनाउँदै प्राविधिकहरुले सर्वपक्षीय छानविन हुनुपर्ने वताएवाट पनि श्रीकृष्ण मा.वि. को अनियमितता प्रकरण गंभिर रहेको प्रष्ट पारेको छ ।
श्रीकृष्ण मा.वि. पोखरा महानगरपालिका वार्ड नं. ७ को एकमात्र सामुदायिक विद्यालय हो एक मात्र सरकारी विद्यालय भएका कारण त्यहाँ नेतृत्व लिन होड नै चल्ने गरेको छ । पछिल्लो वर्षहरु साविक नेकपा एमाले पाटीका स्थानिय र जिल्ला तहका नेताहरुको नेतृत्व विव्यसले पाएको छ । पूर्व अध्यक्ष तेज नारायण अधिकारी एमालेको महानगरपालिका समितिका संयोजक र पछि महानगर संयन्त्र सदस्य समेत हुन भने हाल उनि महानगर सहकारी व्यवस्थापन समितिका अध्यक्ष समेत रहेका छन्।
हाल वि.व्य.स.का अध्यक्ष वनाइएका पुरुषोत्तम रेग्मी नेकपा वार्ड नं. ७ का पूर्व अध्यक्ष हुन् । महानगरपालिकाले वनाएको शिक्षा नियमावली वमोजि गठन भएको वडा शिक्षा समिति मा अधिकांस सदस्य वोर्डिङका संचालनहरु राखिएका छन् । दलिय वर्चस्व कायम राख्ने नियतले नेकपाका आस्थावान व्यक्तिलाई राखिएपछि व्यवस्थापन समिति नेकपाको पोल्टामा परेको हो। नेकपाकै नियन्त्रणमा महानगर र वडा रहेका कारण श्रीकृष्ण मा.वि.को भ्रष्टाचार प्रकरण ३३ किलो सुन काण्ड झै विलाउने त हैन भन्ने प्रश्न उव्जीएको छ ।

प्रतिक्रिया दिनुहोस्: