Prabhu Bank Ad

प्राकृतिक मानव केन्द्रित जनअभियान नेपालको तेश्रो पूर्ण बैठक सम्पन्न

सराङकोट न्यूज
20 November, 2019 2:44 pm

वातावरण बचांऔ जिवन बचांऔ भन्ने लक्ष्यका साथ सञ्चालन भइरहेको प्रकृति मानव केन्द्रित जन अभियान नेपाल युनिटको तेश्रो पूर्ण बैठक बाँकेको कोहलपुरमा सम्पन्न भएको छ । ७७ सदस्यीय केन्द्रीय समितिले विभिन्न प्रदेशको विभिन्न जिल्लामा पूर्ण बैठक बस्दै आएको छ । सोही क्रममा तेश्रो पूर्ण बैठक ५ नम्बर प्रदेशको बाँके जिल्लाको कोहलपुरमा बसेको अभियानका महासचिव राजन के.सी.ले बताए ।
तेश्रो बैठकले विभिन्न निर्णय गरेको बताइएको छ । विभिन्न जिल्लाको संगठन विस्तार र अभियान सञ्चालनका लागि सम्बन्धित प्रदेश र जिल्लाका केन्द्रिय सदस्यहरुलाई जिम्मेवारी दिइएको छ । यस्तै आगामी चैत्र १४ र १५ गते सुर्खेतमा कृषि सम्मेलन गरिने भएको छ । सुर्खेतमै १३ चैत्रमा चौथो पूर्ण बैठक बस्ने निर्णय गरिएको छ । बैठकले ४ जना केन्द्रीय सदस्यमा मनोनित गरेका व्यक्तिहरुलाई अनुमोदन गरेको छ ।
अभियानका केन्द्रीय अध्यक्ष नवराज विष्टको अध्यक्षतामा भएको बैठकको सञ्चालन महासचिव राजन के.सी. ले गरेका थिए । केन्द्रीय बैठकमा २० भन्दा केन्द्रीय सदस्यहरुले आफनो कार्य प्रगति विवरण सहित आगामी कार्य योजनाका वारेमा धारणा व्यक्त गरेका थिए । साथै आगामी पुषमा भारतको पञ्जावमा हुने अन्तरराष्ट्रिय सम्मेलनमा भाग लिन जाने विषयमा पनि केन्द्रीय बैठकले स्वीकृत प्रदान गरेको छ । बैठकको दोश्रो दिन अभियानका विन्दु राज सापकोटाले वेष्ट दि कमपोजरको वारेमा प्रस्तुती गरेका थिए ।

अभियानमा जिल्ला कार्यसमिति गठन

प्रकृति मानव केन्द्रीत जन अभियान नेपालको बाँके जिल्ला समिति गठन गरिएको छ । कोहलपुरमा आयोजित अभियानहरुको वृहत भेलाले सशिधर अधिकारीको अध्यक्षतामा ५ सदस्य पछि थप हुने गरि ४५ सदस्यीय नयाँ कार्यसमिति गठन गरिएको हो । विर बहादुर हमालले सञ्चालन गरेका भेलामा कृषि विद समेत रहेका अग्रज व्यक्तित्व विन्दुराज सापकोटाले कृषिमा अर्गानिक खेतीको बारेमा विशेष प्रस्तुती पेश गरेका थिए ।

प्रतिक्रिया दिनुहोस्: