Prabhu Bank Ad

चण्डिका स्कुलको जग्गा अस्पताललाई दिने विव्यसको निर्णय उच्च अदालतद्धारा वदर

सराङकोट न्यूज
11 March, 2020 10:00 am

पोखरा १६ डाँडाथोकमा रहेको चण्डिका आधारभूत विद्यालयको जग्गा मातृशिशु मितेरी अस्पताललाई दिने विद्यालय व्यवस्थापन समितिको निर्णय उच्च अदालत पोखराले वदर गरिदिएको छ । फागुन २७ गते उच्च अदालत पोखराका न्यायाधिश डाल वहादुर थापा र किरण कुमारी गुप्ताको संयुक्त ईजलाशले चण्डिका आधारभूत विद्यालयले आगेटेको जग्गा मातृशिशु मितेरी अस्पताललाई दिने चण्डिका आधारभूत विद्यालय व्यवस्थापन समितिको निर्णय वदर गरी दिएको हो । उच्च अदालतको फैसला पछि चण्डिका स्कुलको जग्गा कव्जा गरी अस्पताल विस्तार गर्ने योजना तुहिएको छ ।
अनिरुद्र थापाको अध्यक्षतामा नवगठित विव्यसले मिति २०७६/८/२२ गते विद्यालयको जग्गा अस्पताललाई दिने हतास निर्णय गरेको थियो । निर्णयको विरुद्धमा स्थानिय डाँडाथोक टोल विकास संस्थाका अध्यक्ष होम वहादुर थापा क्षेत्री र सचिव सन्दिप थापाले २०७६ पुष १७ गते उच्च अदालत पोखरामा रिट दायर गरेका थिए । रिटमा मुख्य मन्त्री कार्यालय गण्डकी प्रदेश, सामाजिक विकास मन्त्रालय गण्डकी प्रदेश, विद्यालय व्यवस्थापन समिति, चण्डिका प्रा.वि., पोखरा महानगर पालिका वार्ड नं. १६ कार्यालय, पोखरा महानगर पालिका र मातृशिशु मितेरी अस्पताल पोखरा गरी सात वटा निकायलाई विपक्षी वनाइएको थियो ।
मुद्दाको पक्षमा अधिवक्ता सालिकराम भट्टराई र रोहितराज वास्तोलाले वहस गरेका थिए भने विपक्षमा अधिवक्ता कमल अर्यालले वहस गरेका थिए ।
संघियता कार्यान्वयन भई जननिर्वाचित सरकार वनेपछि सामुदायिक विद्यलयका जग्गा कव्जा गरी आफू अनुकूलका निकायमा प्रयोग गर्ने अभियान नै चलेको छ । तिनै तहको स्पष्ट वहुमत सहितको सरकार वनेपछि सेटिङ मिलाएर निर्णय गर्ने र योजना पार्ने प्रवृत्तिमा तिव्र वढोत्तरी भएको छ तर पनि अदालतले सरकारको मनपरी प्रवृत्ति माथि अकुंस लगाउदै आएको छ । चण्डिका प्रा.वि.को जग्गा खोसेर अस्पताल लाई दिन म्याद नसकिदै होम वहादुर थापाको नेतृत्वमा रहेको विद्यालय व्यवस्थापन समितिलाई डिजर्भ गरेर अनिरुद्र थापाको अध्यक्षतामा अनुकुलको समिति गठन गरिएको थियो । विद्यालय व्यवस्थापन समितिले विद्यालयको सम्पत्ति संरक्षण सम्वद्धन गर्नुपर्नेमा अचल सम्पत्ति समेत अन्य निकायलाई दिने निर्णय गर्न हतारिने व्यक्तिबाट विद्यालयको हित उन्नयनमा काम होला भनेर कसरी विश्वास गर्ने ? यता सामुदायिक विद्यालयको जग्गा संरक्षण गर्न सफल भएकोमा पूर्व विव्यस अध्यक्ष समेत रहेका होम वहादुर थापा क्षेत्रीले खुसी व्यक्त गरेका थिए ।

प्रतिक्रिया दिनुहोस्: