Prabhu Bank Ad

३ नं. वडा कार्यालय अगाडि मापदण्ड विपरित घर

सराङकोट न्यूज
24 March, 2020 9:51 am

अधिकार सम्पन्न भनिएका स्थानिय तहका सरकारका प्रतिनिधि कानून कार्यान्वयनमा व्यक्ति परस्त कदम चाल्ने गरेका छन्। आफैले बनाएका कानून कार्यान्वयनमा तजविजी अधिकार प्रयोग गरेर कसैलाई काखा कसैलाई पाखा गर्ने गरेको पाइएको छ ।
पोखरा महानगरपालिकाले आफैले जारी गरेको घर निर्माण सम्वन्धि मापदण्ड आफैले उल्लंघन गर्दै आएको छ भने नागरिकको काम पनि अनुहार हेरेर निर्णय गर्ने, कारवाही गर्नेलाई पुरस्कृत गर्ने र पुरस्कृत गर्नेलाई हैरानी गर्ने घटना नयाँ हैन । धेरै जसो घटनाहरु थाहा नपाए झै गर्ने र कतिपय घटनाहरु खोजेर हैरान पार्ने गरिएको छ । यस्ता उदाशिनताका कारण कतिपय संवेदनशिल विषयहरु ओझेल परेका छन् । संयौ प्रकरणहरुमा कानून मिचिएका छन् ।
पोखरा महानगरपालिका वडा नं. ३ कार्यालयको ढोकै अगाडि नक्सा पास नगरी सडकको मापदण्ड मिचेर ढलान घर निर्माण भइरहेको छ । तर नियमन गर्नु पर्ने वडा अध्यक्ष आफै संरक्षण गरेर अनियमित कामलाई संरक्षण गर्दै आएका छन् । वडा अध्यक्ष रविन्द्र बहादुर प्रजुलाई सडकको मापदण्ड मिचेर नक्सा पास समेत नगरी भवन निर्माण भइरहेको वारे ध्यानाकर्षण गराउँदा त्यो कारवाही महानगरले गर्नु पर्ने हो भन्दै निरिहता व्यक्त गरे । केहि हप्ता अघि सोही निर्माण कार्य वडा अध्यक्ष प्रजु आफैले रोकेको वताएका थिए ।
फलामको मोटो विम पिल्लर राखेर ढलान गरिएको घर बनिरहेको उक्त सडकको मापदण्ड केन्द्रबाट १५ फिट टपमा लाग्ने पोखरा महानगरका एक प्राविधिकले वताए । १ सय मिटर लामो उक्त सडकमा गैह्रकानूनी ढंगबाट वनिरहेको उक्त घर बनाउन वडा नं. ३ कार्यालयले के आधारमा मौन स्वीकृति प्रदान ग¥यो र अरु निर्माण हुने संरचनामा कस्तो निति लिन्छ त्यो भने खोजीको विषय वनेको छ ।

प्रतिक्रिया दिनुहोस्: