घार-म्याग्दी-पोखरा समाजद्वारा आयोजित रक्तदान कार्यक्रममा ६६ युनिट रगत संकलन

शिवराज वस्ताकोटी (शिवदाई)
24 July, 2022 2:42 pm

“रक्तदान जीवनदान, जीवनदान महादान” भन्ने उदेश्यका साथ आफ्नो नवौ बार्षिक उत्सवको अवसरमा घार-म्याग्दी-पोखरा समाजले खुल्ला रक्तदान कार्यक्रमको आयोजना गरी बार्षिक उत्सव मनाएको छ ।
प्रमुख अतिथि पोखरा वडा नं. ८ का अध्यक्ष रुद्रनाथ बरालले कार्यक्रमको उद्घघाटन गर्दै रक्तदाता ज्योति भण्डारीलाई ब्लड व्याग हस्तान्तरण गरी कार्यक्रम शुभारम्भ भएको थियो ।
कार्यक्रममा प्रमुख अतिथि बरालले यसरी रक्तदान गरी सिङ्गो मानवजातिको संरक्षण र सुरक्षामा आफ्नो जिम्मेवारी ठानेर समाजले रक्तदान कार्यक्रम आयोजना गरेकोमा खुशी व्यक्त गर्दै धन्यवाद प्रकट गरेका थिए ।

रक्तदान कार्यक्रममा समाजका सम्पूर्ण पदाधिकारी तथा सदस्यहरु साथै विभिन्न निकायबाट प्रतिष्ठित तथा सामाजिक व्यक्तित्वहरुको उपस्थिति रहेको थियोे । रक्तदानको अवसरमा नेपाल सँस्कृत माध्यमिक विद्यालयका उप–प्राध्यापक डा. जगन्नाथ रेग्मीले कविता मार्फत कविता वाचन गरी रक्तदान किन कसका लागि भन्ने बारे र यसको महत्वबारे प्रकाश पारेका थिए । नेपाल रेडक्रस सोसाइटी प्रादेशिक रक्तसञ्चार कास्कीका एसुधरा दुराको नेतृत्वमा आएको टोलि साथै मोतिराज वरुवालको संयोजकत्वमा भएको कार्यक्रममा ६६ युनिट रगत सङ्कलन भएको संयोजक वरुवालले बताए ।
समाजका अध्यक्ष प्रेम शङ्कर वरुवालको अध्यक्षता गरिएको थियोे भने कार्यक्रमको संचालन उपाध्यक्ष गोकर्ण वरुवालले गरेका थिए ।

रक्तदानको अवसरमा नेपाल सँस्कृत माध्यमिक विद्यालयका उप–प्राध्यापक डा। जगन्नाथ रेग्मीद्धारा प्रस्तुत गरिएको कविता

रक्तदानको अवसरमा नेपाल सँस्कृत माध्यमिक विद्यालयका उप–प्राध्यापक डा. जगन्नाथ रेग्मीद्धारा प्रस्तुत गरिएको कविता

Advertisements
Advertisements
प्रतिक्रिया दिनुहोस्: