कालिका झाझरमारे पोखरीको मुहार फेरियो

साबिक कालिका गाबिस अहिले पोखरा महानगरपालिकाको वडा नम्बर २८ भएको छ । कालिका मन्दिर र सङ्गै रहेको पोखरीको नामबाट कालिका गाबिस नामाङ्कन गरिएको पोखरा २८ का समाजसेवी बिश्वरमण अधिकारी बताउछन ।
काकिला भगवती मन्दिर सङ्गै रहेको उक्त पोखरीलाई झाजरमारे पोखरी पनि भनिन्छ । करिब ३ सय बर्ष अगाडि स्थापित कालिका भगवती मन्दिर अगाडिको पोखरीमा ठुलाकोटका तत्कालिन झागल नामका मुखिया लाई त्यही पोखरीमा डुबाएर मारेको कारण उक्त पोखरीको नाम झागलमारे हुँदै बोल्दै जादा झाझरमारे बन्न पुगेको किम्बदन्ती रहि आएको छ । अहिले उक्त पोखरी झाझरमारे कालिका पोखरिको नामले परिचित रहेको छ ।
ऐतिहासिक र पुरातात्त्विक महत्वको कालिका झाझरमारे पोखरी पछिल्लो समयमा लोप हुने अबस्थामा पुगेको थियो । पोखरिमा पानी नअडिने भएका कारण पानीपोखरी हुनुपर्ने कालिका पोखरी झारपात पोखरी बन्न पुगेको थियो । माथिल्लो भेगमा हुँदै गएका बिकास बाट सिर्जित माटो , लेदो , मात्र नभई फोहोर मैला समेत डम्पिङ हुने ठाउँ बनेको थियो कालिका झाजरमारे पोखरी । यस अघिका मेयर मान महादुर जिसिको गृह वडा भएर पनि कालिका पोखरीले जिर्णोद्दार हुन पाएको थिएन ।
जिणोद्दार अगाडिको कालिका पोखरी

अहिले झाजरमारे पोखरिको रुप फेरिएको छ । हिउदको सुख्खा याममा समेत पोखरीमा पानी रहेको देखिँदा पोखरिको औचित्य सिद्द भएको छ । कालिका भगवति मन्दिर सरक्षण समितीको पहलमा २८ नम्बर वडा कार्यालयले बजेट ब्यबस्थापन गरे पछि पोखरिको जिर्णोद्दार भएको छ । पोखरा २८ का वडा अधक्ष श्रीकृष्ण लामिछानेले आफ्नो कार्यकालमा पोखरीको जिर्णोद्वार सहित सौर्न्दर्यकरण गर्ने प्रतिबद्धता जनाए ।पोखरीको वरिपरि फुटट्र्याक बनाउने , पोखरीमा क्रस बृज बनाउने र फोहोरा हालेर पोखरीलाई मनमोहक र सुन्दर बनाउने योजना रहेको वडा अध्यक्ष लामिछानेले बताए ।

जिणोद्दार पछिको कालिका पोखरी

ऐतिहासिक र पुरातात्त्विक महत्व बोकेको कालिका मन्दिर र पोखरीको सरक्षण गर्न पुरातत्त्व बिभागले विशेष योजना ल्याउन आवश्यक रहेको छ । नेपालको परिचय कला सस्कृती , देवल मठ मन्दिर सस्कृतिको सभ्यतामा अढिएको छ । यसको जगेर्ना गर्न तीनै तहको सरकारले बिशेष चासो खाचो सहित गुरु योजना सहितको बजेट प्रबन्ध गर्न जरुरी छ ।

( स्थलगत रिपोर्टिङ )

Advertisement: