मुटु रोग विशेषज्ञहरुको पेशागत छाता सस्था कार्डियाक सोसाइटी अफ नेपालको हालै सम्पन्न राष्ट्रिय सम्मेलनले सहिद गङ्गालाल हृदय रोग केन्द्र बासबारीका डा. चन्द्रमणी अधिकारीको अध्यक्षमा नयाँ कार्यसमिति निर्बाचित गरेको छ । उपाध्यक्षमा दिपाङ्कर प्रजापति र महासचिवमा मनमोहन कार्डियो भास्कुलर महाराजगन्जका डा चन्द्रमणी पौडेल र उपमहासचिवमा डाक्टर कुन्जङ शेर्पा निर्बिरोध निर्वाचित भएका छन ।
यस्तै कोषाध्यक्ष डाक्टर रन्जित बराल निर्वाचित भएका छन । राष्ट्रिय सम्मेलनले ७ प्रदेश मध्य ६ प्रदेश सयोजक निर्बाचित गरेको छ जस अनुसार कोशीमा राजेश नेपाल , मधेसमा डा अमित कुमार सिह , बागमतीमा डा रवि शाही , गन्डकिमा डा नवराज पौडेल ,लुम्बिनीमा डाक्टर कृष्ण चन्द्र अधिकारी , सुदुर पश्चिममा डा बिप्लव कार्कि निर्वाचित भएका छन ।
३ जना केन्द्रीय सदस्यको लागि भएको निर्बाचन (मतदान ) मा मनमोहन कार्डियो भास्कुलर अस्पताल महाराजगन्जमा कार्यरत डाक्टर सुर्य देवकोटाले १११ लोकप्रिय मत ल्याइ बिजयी भएका छन भने ९५ मत पाई डाक्टर बिनायक गौतम र ८३ मत पाई डाक्टर राधा भट्टराई निर्वाचित भएका छन ।
कार्डियाक सोसाइटी नेपालले देशभरका मुटु रोग उपचार सम्बन्धि नितिगत सुधारका लागि सरकारलाइ सहयोग पुर्याउनुका साथै पेशागत मर्यादा र व्यावसायिकतालाई मध्यनजर गर्दै मुटु रोग सम्बन्धमा निदान र सचेतना फैल्याउदै आएको छ । मुटु उपचार र शल्यक्रिया सम्बन्धि बिज्ञ चिकित्सकहरुको छाता सस्थाले मुटु रोग तथा सर्जन विशेषज्ञ सेवामा समर्पित चिकित्सकहरुको सुरक्षा र पेशागत प्रबर्द्धनमा काम गर्ने केन्द्रिय सदस्य डाक्टर सुर्य देवकोटाले बताए ।
प्रतिक्रिया दिनुहोस्