स्थानिय सरकारको मुख्य आयस्रोत मानिएको नदिजन्य पद्दार्थको आय ठेक्का नचल्दा पोखरा महानगरपालिकाको आन्तरिक आम्दानिमा प्रतक्ष प्रभाव परेको छ । पोखरा महानगरको क्षेत्राधिकार भित्र पर्ने १८ वटा नदिजन्य घाटखानी मध्य जम्मा ८ वटा मात्र ठेक्का लाग्न गएको र १० वटा मुख्य घाट ठेक्का लाग्न सकेको छैन । पोखराको सबैभन्दा केन्द्रभागमा रहेको ठूलो रामघाटमा समेत बिगत दुई बर्ष देखि ठेक्का लाग्न सकेको छन । रामघाटमा ७६ हजार ५ सय घनमिटर बालुवा बार्षिक निकाल्न मिल्ने प्राबिधिक रिपोर्टले बताएको छ । करिब ७ करोड रुपैयाँ भन्दा बढीको माल मटेरियल रामघाटबाट निकाल्न मिल्छ । ठेक्का नलाग्दा महानगरले प्रतक्ष घाटा ब्यहोरेको छ ।
लेखनाथको गढी घाबाट २१ हजार १ सय पच्चीस घनमिटर मालको ठेक्का लगाउन मिल्छ तर यो बर्ष ठेक्का लाग्न सकेन । यी बाहेक लामगादी घाट १६२५० घनमिटर , पुरन्चौर ढोडनिघाट ४६५० घनमिटर , तल्लोखेत घाट ६८८० घनमिटर ,सुइखेत खोलाघाट ५२५० घनमिटर , काहुखोला घाट ९७५० घनमिटर , नारायन्स्थान घाट ५४००घनमिटर , बिजयपुर खोलाघाट ९००० घनमिटर , रुद्रमहादेब घाट ८२०० घनमिटर , याम्दी घाट ४८०० घनमिटर का घाट ठेक्का लाग्न सकेको छैन । यसबाट महानगरले १२ करोड वरिपरिको राजस्व आम्दानी गुमाएको छ ।
ठेक्का नलाग्नुको कारण बारे बुझ्दा आर्थिक मन्दिको असर र घाटको मूल्य महङ्गो परेको प्रतिक्रिया पाइन्छ । बजारमा निर्माण कार्य न्यून भएका कारण मालबस्तुको माग ह्वात्तै घट्न जादा ठेक्का हाल्न नखोजेको पोखरा महानगरपालिकाका सूचना अधिकारी कृष्ण तिवारी बताउछन । महानगरले ठेक्का नलगाउदा चोरिनिकासी बढ्न गै राजस्व चुहावट भइरहेको तर्फ राज्यको ध्यान जान नसकेको पनि गुनासो छरपस्ट भएको छ । ठेक्का नलाग्दा विभिन्न घाट खानिबाट अनियमित चोरी निकासी बढ्दै गएको तर्फ महानगर प्रहरी प्रशासनले ध्यान दिन जरुरी देखिएको छ । पोखरामा रहेका घाट खानिहरुको मुल्यांकन दर उच्च भएकोले आय ठेक्काको दर उच्च हुन पुगेको कारण पनि ठेक्का नलाग्ने अर्को मुख्य कारण रहेको बुझिन आएको छ ।”
प्रतिक्रिया दिनुहोस्