सिटी वस व्यवस्थापन गर्ने पहल स्वरुप वगरको वस स्टपका लागि जग्गा नमिल्दा वस स्टप अन्यत्र सर्ने भएको छ । हाल सम्म पेखरा वसको मुख्य क्यू शाखा संचालन हुदै आएको वगरको सडकमा सवारी जाम हुन थाले पछि सडकमा पार्किङ र क्यू संचालनका लागि विकल्प खोजिएको छ ।
पिएन क्याम्पसको सटर भएको ठाउँ र फुटपाथको वीचबाट वस स्टप संचालन गर्ने सम्बन्धी पोखरा महानगर र वस व्यवसायी समिति वीच सहमती भई पोल व्यवस्थापन र निर्माण कार्य अगाडि वढेको अवस्थामा पि.एन. क्याम्पसले उक्त खाली स्थान दिन नमाने पछि वस स्टप अन्यत्र सार्न पहल सुरु भएको छ ।
पिएन क्याम्पस प्रमुख सहित सोमवार महानगरमा वसेको सर्वपक्षीय वैठकमा पिएन क्याम्पस प्रमुख सिवि थापाले कुनै पनि हालतमा वस स्टपलाई सटर अगाडिको जग्गा दिन नसकिने वताएपछि महानगर र पोखरा वस व्य.समिति अन्य ठाउँबाट वस स्टफ संचालन गर्ने निस्कर्षमा पुगेका छन् । क्याम्पस प्रमुख सिवि थापाले भने वरु सटर नचले नचलोस् क्याम्पसलाई व्यापार गर्नु छैन वस स्टप जहा लगे पनि लैजाउन ।
क्याम्पस प्रमुखको अभिव्यक्ति पछि हाल सम्म वस स्टपका लागि गरिएका पहल व्यर्थ भएको पोखरा वस व्यवसाय समितिका सचिव अमृत शर्माले भने । पोल सार्न विद्युतमा जम्मा गरेको रकम पनि फिर्ता लिएर अरु विकल्प खोज्छौं सचिव शर्माले भने । पोखरा महानगरका मेयर मान वहादुर जि.सी.ले वगरको वस स्टप अन्यत्र व्यवस्था गरिने वताए ।
पि.एन. क्याम्पसले व्यापार प्रयोजनका लागि ५१ वटा सटर निर्माण गरी भाडामा लगाएको छ । सोही स्थानमा पोखरा वस व्यवसायी समितिले आफ्नो मुख्य क्यू शाखा संचालन गर्दै आएको छ । पछिल्ला वर्षहरुमा सडकमा पार्किङ चाप वढेपछि जाम हुदै आएको कारण आलोचना खेप्दै आएको छ । यहि कारण सिम्पानी, लामाचौर लगायतका ठाउँहरुमा वस स्टपको व्यवस्थापन गरिसकेको छ ।
मुख्य समस्याको रुपमा रहेको वगरको वस स्टपलाई तत्काल व्यवस्थापन गर्न दवाव खेपिरहेको समितिले भुजुङ खोलातर्फ जाने वस लाई वागलुङ वसपार्क वाट छुटाउने तयारी गरेको छ भने गुफा लामाचौरको वसलाई शिक्षा कार्यालय कम्पाउण्डको आडवाट छुटाउन सुरु गरेको छ । अवको चुनौती पोखरा फाइनान्स र पिएन क्याम्पस गेटमा रहेको वुझिएको छ ।
प्रतिक्रिया दिनुहोस्