शिक्षण संरक्षणमा व्यवस्थापन समिति चयनको विषयले तनाव सिर्जना गराएको मात्रै हैन तराइका कतिपय विद्यालयमा गोली चल्ने, ज्यान समेत ज्याने गरेका छन् । सामुदायिक विद्यालयमा गठन हुने विद्यालय व्यवस्थापन समिति लाभको पद नभएपनि समुदायका अगुवाहरुको आकर्षण भने रहने गरेको छ ।
पछिल्लो समय पोखरा ३ मा रहेको ज्ञानभूमि माध्यमिक विद्यालयको एक जना सदस्य मनोनयन गर्ने विषयमा वडा वाट खटाइएका जनप्रतिनिधि र मनोनित सदस्य वीच विवाद भएको छ । वडा सदस्य रविन कायस्थलले आफ्नो अनुपस्थितिमा सदस्य मनोनयन गरेको विषयमा प्रश्न उठाएपछि विवाद भएको वताइएको छ । स्थानीय सनकमान सिकेलाई मनोनयन गरिएको विषयमा विवाद हुँदा वडा प्रतिनिधि रविन कायस्थले मुड्कीले प्रहार गर्दा प्राचार्य तथा विव्यसका सदस्य सचिव गोविन्द प्रसाद पौडेलको टेवुलको सिसा फुटेको थियो ।
प्राचार्य पौडेलले सिके र कायस्थ वीच विवाद भएको र कायस्थको प्रहारवाट आफ्नो उपस्थिति प्रति जनप्रतिनिधिले रोक्न खोज्नुले अनियमितता गर्नेहरु डराएको प्रतिकृया दिएका छन् । मेरो उपस्थितिले कोही डराउन पर्दैन म विद्यालय सपार्न आएको हु विगार्न हैन मनोनित सदस्य सनकमान सिकेले भने ।
प्राचार्य गोविन्द पौडेलले विद्यालय व्यवस्थापन समिति केहि महिना पहिल्यै गठन भएपनि रिक्त हुन आएको सदस्य पदमा सर्वसम्मत निर्णय गरी मनोनित गरिएको वताए । विद्यालयका सवै कार्य नियमित र सामान्य भईसकेको पनि प्राचार्य पौडेलले वताए ।
गरिव दुखीका छोरा छोरी पढ्ने सरकारी लगानीका सामुदायिक विद्यालयहरु शान्त र अध्ययनमैत्री हुन जरुरी छ । अगुवाहरुवाट हुने उच्छृङखल गतिविधिवाट सिर्जना हुने अशान्ती र अभद्र व्यवहारवाट विद्यार्थीहरुले कस्तो शिक्षा पाउँलान्? एक पटक सवैले सोच्न जरुरी छ ।
प्रतिक्रिया दिनुहोस्