पोखरा
पोखरा म.न.पा. वडा नं. ३३ बाट गत स्थानिय चुनावमा नेकपा एमालेबाट निर्वाचित दलित वडा सदस्य (जनप्रतिनिधि) लिलादेवी नेपाली सवारी ज्यान मुद्दामा पुर्पक्षका लागि जेल चलान भएकि छिन् । २०७९ पुष १३ गते आफ्नी आमालाई वा ९ प ५६४९ नम्वरको स्कुटरमा राखेर पोखरा आउने क्रममा शुक्ला गण्डकी न.पा. २ हलेदी भन्ने स्थान (पृथ्वी राजमार्ग) मा विपरित दिशाबाट आएका वा २ क ६२१९ नम्वरको ट्रिपरले ठक्कर दिएका थियो । ठक्करबाट सख्त घाइते भएकी स्कुटर चालककी आमालाई उपचारका लागि मणिपाल अस्पताल लागिएको थियो उपचारकै क्रममा पुष १७ गते उनको निधन भएको थियो ।
दुर्घटना सम्बन्धमा तनहुँ प्रहरीले अनुसन्धान गर्दै जाँदा स्कुटर चालक लिलादेवी नेपालीको सवारी चालक अनुमति पत्र नभएको खुलेपछि उनलाई माघ ८ गते पक्राउ गरी थप अनुसन्धान सहित सरकारी वकिल कार्यालय तनहुँ मार्फत् जिल्ला अदालत तनहुँमा पेश गरेको मा अदालतको माघ १२ गतेको आदेशले ट्रिपर चालक तिलक श्रेष्ठ र स्कुटर चालक लिला माया नेपाली दुवैलाई पुर्पक्षका लागि कारागर चलान गर्न आदेश दिए लगत्तै उनिहरु तनहुँ जेल चलान भएका छन् ।
सवारी तथा यातायात व्यवस्था ऐन २०४९ को दफा १६१ बमोजिम सजायँ माग गरि मुद्दा चलाइएको तनहुँ प्रहरीले बताएको छ ।
नागरिकलाई कानुन कार्यान्वयनको पाठ सिकाउनु पर्ने जनप्रतिनिधि स्वयम्ले कानुन मिचेर लाइसेन्स नभएको अवस्था विद्यमान हुँदा हुँदै राजमार्गमा सवारी चलाउँदा विकराल अवस्था निम्तिएको छ । आमाको मृत्युमा ट्रिपरको ठक्कर मुल कारण भएपनि सवारी चालक अनुमति पत्र नलिई स्कुटर चलाएको कारण कानुनले मुद्दा चलाउन वाध्य भएको अवस्था देखिन्छ यो घटनाबाट आम नागरिकले पाठ सिक्न सकेमा पिडा र दुःखबाट बच्न सकिन्छ ।
प्रतिक्रिया दिनुहोस्