लकडाउनमा पोखरा महानगर प्रवेश गर्ने दोस्रो ठूलो नाका पोखरा १७ छोरेपाटनमा प्रहरी, स्वस्थ्यकर्मी सहितको टोली खटाइएको छ । अस्पताल जाने, विरामी भेट्न जाने, जरुरी काम छ भन्दै यता र उता मोटरसाइकल र कार दौडाउने, एम्वुलेन्समा विरामी भन्दै यात्रु ओसार्ने कार्य गर्दै आएकाहरुको वाक्लो भिड लाग्ने गरेको छ । प्रहरीलाई सोधपुछ गर्दैको हैरानी छ ।
छोरेपाटनमा थर्मल गनबाट तापक्रम नाप्ने काम मात्र भएको छ । प्रहरीको चेकिङ सोधपुछ वाहेक डिस्इन्फेक्टेड स्प्रे टनेल पनि राखिएको छ । रविन्द्र अधिकारी स्मृति प्रतिष्ठानबाट सौजन्य प्राप्त उक्त टनेल सोमवार विहान माननीय विद्या भट्टराई (अधिकारी) र पोखरा महानगरका प्रमुख मान वहादुर जिसीबाट उद्घाटन गरेर गएपछि अटो सेनिटाइजर टनेल दिनभरी वन्द रहेको थियो ।
विजुली जोड्ने व्यवस्था मिलाउन नसक्दा प्रतिष्ठानबाट सौजन्य प्राप्त भई आएको डिस इन्फेक्टेड स्प्रे टनेल चलाउन नसक्ने अवस्था आएपछि सोमवार दिनभर टनेलको उपयोग भएको छैन । उद्घाटन मात्र गरेर केहि मिनेट चलाइएको टनेल अव चल्छ कि चल्दैन यसै भन्न सकिने अवस्था छैन ।
स्वास्थ्य मन्त्रालयले टनेल स्प्रे बाट छर्किने विसादी पानी मानव शरिरका लागि हानिकार हुने चेतावनी दिएको छ । मानव स्वास्थ्यलाई उपयोगी त के उल्टै हानी हुने केमिकल स्प्रे टनेल किन राखियो भन्ने अर्को प्रश्न उव्जिएको छ । यदी यस्ता प्रविधि उपयुक्त नहुने हो भने कसको सिफारिसमा यो काम गरियो भन्ने विषय उठेको छ । स्वास्थ्यको यो संकटको घडीमा प्रविधिको नाममा कमिशन र कमाउ धन्दा त होइन भन्ने तर्फ पनि सोच्न वाध्य पारेको छ । टनेलको वारेमा स्वास्थ्य मन्त्रालयबाट प्राप्त धारणा लाई तत्काल स्पष्ट पार्न जरुरी छ ।
प्रतिक्रिया दिनुहोस्