बोर्डिङ स्कुल सन्चालनका लागि लगानिकर्ताबाट उठाएको रकम अपचलन गरि ठगी गरेको आरोपमा प्रहरीले पोखरा १० रामघाटमा रहेको टप्स बोर्डिङ स्कुलका सन्चालक अध्यक्ष बलबहादुर थापालाइ पक्राउ गरि अनुसन्धान गरिरहेको छ । थापा यस अघि नै बैङ्किङ कसुर मुद्दामा फरार थिए । उनलाइ पुरानै पक्राउ पुर्जी अनुसार पक्राउ गरेको थियो , पक्राउ पछि उनी उपर आदा दर्जन बढी पिडितहरुले शेयर ठगिमा उजुरी दिएकाछन ।
विद्यालयको शेयर उपलब्ध गराउने आश्वासन दिएर विभिन्न व्यक्तिबाट रकम लिएको तर शेयर हस्तान्तरण नगरेको आरोप सहित दर्ता भएका उजुरीका आधारमा प्रहरीले थप अनुसन्धान गरिरहेको छ । जिल्ला प्रहरी कार्यालय कास्कीका प्रहरी नायब उपरीक्षक (डीएसपी) वीरेन्द्रकुमार पासवानका अनुसार असार ५ गते विभिन्न सात वटा निवेदन तथा पक्राउ पुर्जीसम्बन्धी प्रक्रियाका आधारमा थापालाई नियन्त्रणमा लिइएको हो । हालसम्म ४ करोड रुपैयाँ बराबरको विगो दाबी गरिएको प्रहरीले को दावी छ ।
बैङ्किङ कसुर र ठगी आरोपी -बलबहादुर थापा ( अध्यक्ष )
टप्स सेकेण्डरी बोर्डिङ स्कुल पोखराको पुरानो र स्थापित शैक्षिक संस्थामध्ये एक मानिन्छ । यस अघि रत्नमान गुरुङको समुहले स्थापना गरेको स्कुल दुई बर्ष अघि बल बहादुर थापाको नेतृत्वको टिमले करिव ४० करोडमा खरिद गरेको थियो । खरिद पछि लगानी जुटाउन बिद्यालयकै शेयर बिक्री गर्ने नाममा रकम संकलन गरिएको विषय बाहिरिएपछि विद्यालयसँग सम्बन्धित अन्य शेयर सदस्य तथा अभिभावक वृत्तमा समेत चासो र चिन्ता बढेको छ ।बलबहादुर थापा प्रतिभा माविबाट छुट्टिइ केही बिध्यार्थी समेत लिएर टप्समा लगानी र ब्यबस्थापकिय जिम्मेवारी लिएका थिए ।
पीडितमध्ये एक पार्वती पौडेलले ८४आफ्नो लाख रुपैया नदिएको बताइन । आफुहरु लामो समय देखि ठगिमा पिडित रहेको पौडेलले गुनासो गरिन । उजुरीकर्ताहरूका अनुसार अध्यक्ष थापाले विद्यालयमा आफ्नो करिब ५० प्रतिशत शेयर रहेको दाबी गर्दै विभिन्न व्यवसायी, उद्योगी तथा सर्वसाधारणलाई विद्यालयको शेयर खरिद गर्न आग्रह गर्ने गरेका थिए । कतिपयलाई रकम फिर्ताको प्रतिबद्धता सहित तमशुक र चेकसमेत उपलब्ध गराइएको थियो ।
बलबहादुर थापा बिगत एक हप्ता देखि कास्की प्रहरिको हिरासतमा छन । उनले हिरासतबाटै मिलापत्रको योजना अघि सारेकाछन । मुद्दालाइ कमजोर बनाएर उम्कने दाउमा रहेका थापाले उदारो सम्झौता गर्ने र प्रहरीबाट उम्कने योजनामा रहेका छन । थापा बैङ्किङ कसुर र ठगी मुद्दाको अनुसन्धानमा छन । प्रहरीले पिडितलाइ न्याय दिने गरि मुद्दाको अनुसन्धान गर्न पिडितहरुले माग गरेकाछन ।
प्रतिक्रिया दिनुहोस्