Prabhu Bank Ad

सराङकोटका दुई प्रहरी छानविनमा जिल्ला तानिए

सराङकोट न्यूज
24 May, 2018 3:42 am

शान्ती सुरक्षा दिन खटिएका प्रहरीहरुनै अशान्ती मच्चाउन थालेपछि सराङकोटका स्थानिय वासिन्दाले कारवाहीको माग गर्दै तालुक निकायमा जानकारी गराएपछि ति प्रहरीलाई कास्की प्रहरीले जिल्ला तानेर कारवाही अगाडि वढाएको छ ।
सराङकोट प्रहरी चौकीमा कार्यरत प्रहरी हवल्दार भवनाथ भट्टराई टिल्ल रक्सी खाएर स्थानिय व्यापारी र सर्वसाधारणको घर गाउँमा हल्ला मच्चाउँदै आतंक मच्चाएपछि स्थानियले कास्की प्रहरी लाई सूचना गरेका थिए। जेष्ठ ३ गते नै त्यहाँ कार्यरत प्र.ह. भट्टराईलाई जिल्ला तानेर कारवाही अघि वढाइएको वडा प्रहरी कार्यालय वगरका इन्सपेक्टर दुर्गा प्रसाद श्रेष्ठले वताए ।
यस्तै, प्याराग्लाइडिङ व्यवसायी र पाइलटहरु सँग अनियमित रकम असुली गर्ने रकम नदिए दुख हैरानी दिने सराङकोट प्रहरी इञ्चार्ज प्र.स.नि. गोविन्द के.सी. लाई पनि छानविनको लागि कास्की प्रहरीले जिल्ला तानेको छ । असई के.सी.ले प्याराग्लाइडिङ व्यवसायी सँग रकम माग्ने नदिए गाडी रोकेर पर्यटकहरुलाई हैरानी दिने गरेका भन्दै एक प्याराग्लाडिङ व्यवसायीले प्रहरीलाई उजुरी गरेपछि उनलई छानविनमा राखेर नयाँ इञ्चार्जलाई सराङकोट खटाइएको छ ।

प्रतिक्रिया दिनुहोस्: